影片
更多
2020-07-16
1696 浏览
[💛黄店系列💛] 加藤屋———————————————————————一向出名抵食嘅黄店加藤屋，走日式平民快餐路线🍱，食物质素本身唔错，选择劲多，牛肉煎鸡、咖喱、铁板、锅物、炸物小食都有🤩，未试过就一定要去试下，总有一款啱心水。😋今次竟然有新搞作，推出鳗鱼饭，仲要50几蚊有交易，事关佢嘅对手吉野家都出过鳗鱼饭，当时都成70蚊先食到(仲要伏伏哋😅)，今次平到咁，到底会系中伏定卖大包呢？———————————————————————炙烧鳗鱼饭 连 饮品 ($53)净睇卖相，已经见到舖满大量鳗鱼🐟🐟，鳗鱼系剪开咗唔系条型上，份量十足。更加入唔少紫菜碎，散发浓浓香味。第一印象都加哂分。鳗鱼十分肥美，食唔到有碎骨，食落啖啖肉劲满足。😱烧汁甜咸适中，同鳗鱼好夹，配埋紫菜，送饭一流。🤪鳗鱼份量实在多到令你饱，甚至食完饭仲有几嚿鳗鱼净。整体发挥绝对唔失色于某啲卖$80-100嘅餐厅，有啲想像唔到香港有咁抵又有咁上下质素嘅鳗鱼饭。我谂而家做紧新推出优惠先卖$53，迟下要卖返$65左右先合理，想试就要衬早喇。😉———————————————————————锅物 - 日式豚肉杂炊 寿喜烧汤乌冬 连饮品 ($
———————————————————————
一向出名抵食嘅黄店加藤屋，走日式平民快餐路线🍱，食物质素本身唔错，选择劲多，牛肉煎鸡、咖喱、铁板、锅物、炸物小食都有🤩，未试过就一定要去试下，总有一款啱心水。😋今次竟然有新搞作，推出鳗鱼饭，仲要50几蚊有交易，事关佢嘅对手吉野家都出过鳗鱼饭，当时都成70蚊先食到(仲要伏伏哋😅)，今次平到咁，到底会系中伏定卖大包呢？
———————————————————————
炙烧鳗鱼饭 连 饮品 ($53)
净睇卖相，已经见到舖满大量鳗鱼🐟🐟，鳗鱼系剪开咗唔系条型上，份量十足。更加入唔少紫菜碎，散发浓浓香味。第一印象都加哂分。
鳗鱼十分肥美，食唔到有碎骨，食落啖啖肉劲满足。😱烧汁甜咸适中，同鳗鱼好夹，配埋紫菜，送饭一流。🤪鳗鱼份量实在多到令你饱，甚至食完饭仲有几嚿鳗鱼净。
整体发挥绝对唔失色于某啲卖$80-100嘅餐厅，有啲想像唔到香港有咁抵又有咁上下质素嘅鳗鱼饭。我谂而家做紧新推出优惠先卖$53，迟下要卖返$65左右先合理，想试就要衬早喇。😉
———————————————————————
锅物 - 日式豚肉杂炊 寿喜烧汤乌冬 连饮品 ($44)
呢到嘅锅物可以自由配搭饭/乌冬、猪/牛/鸡、唔同汤底。食过好多次之后，发现呢个组合系最夹最好食。😝
首先一定要试寿喜烧汤，出面都好少食到，基本上嚟到有8-9成人都系食呢个汤。个汤有神奇嘅味道，少少偏甜味会令你饮完一啖又一啖，劲开胃。🤩另外佢个锅物系包你食得饱，劲多嘅野菜，例如椰菜、牛蒡、金菇、磨菇、粟米等，仲有半只蛋、蟹柳、撕纸狗、腐皮，净讲配料都劲丰富啦！🤓钟意食一锅锅嘅，嚟到必定要试。
———————————————————————
正正正，抵食又好食嘅店舖买少见少，希望可以开多啲分店啦！🥺当初吉野家都唔系差，但加藤屋真系完爆咁啰！🤷🏻♀️
张贴
