1樓冰室 (已結業)

喺太子番工，选择好似好多，其实又唔系真系好多，午餐得果一粒钟，唔会行太远。今日试左间新餐厅，之前铺位嘅蒂蒂香执左。呢间冰室新开，不过睇睇下张单同餐具先知，原来都系属于炖奶佬集团。食物选择都多，有扒类、米线、喇沙、炒粉面饭、西多等，下午茶时段两点开始，我就点左个鸡脾。1流生炸鸡脾拼沙律 $33（下午茶配冻饮半价，冻柠茶$7）鸡脾生炸，新鲜热辣，虽然鸡脾嘅size唔系特别大，但都唔算细只。一切开都见到有啲鸡油(汁)滴出黎，里面啲肉都几嫩滑，食落都唔干。而个鸡皮口感有少少酥脆，有啲似盐酥鸡果种，而且都加有少少淮盐，所以味道都好足够沙律用上杂果，但就唔系罐头野，仲有啲木耳、青瓜粒、蒟蒻，感觉都健康。作为下午茶，33蚊都ok，不过唔跟饮品，加埋半价冻柠茶要40蚊，唔算平，但可以接受。另外有啲饭餐会抵食啲架，30蚊唔洗，虽然冇饮品，但都几平嘅。同行朋友点左焗饭、咖喱饭，佢地话味道都唔错，我地就有下次。