緣蝦壹麵 (已結業)

今日出开旺角，所以就谂住揾D未食过既餐厅试下!T.O.P.呢个商场岩岩开果阵黎过一次，但果阵就好多舖头都未开张，今次再黎已经多左好多野行同好多野食啦!今次就试试呢间位于4楼的餐厅，主推叻沙同肉骨茶!我同友人大概3点几去到，有下午茶同埋午餐拣，我地成日冇食过野当然食个lunch饱D啦!午市自选-鱼腐虾汤面($68)，汤底有少少辣，味道唔系好出!鱼腐正正常常，不过不失。汤面还有鱼片头及豆卜，配料都算多。面就系油面，爽口，唔吸汤既味!所以食落比软淡口!午市自选-咖央多士(半份)，多士唔会烤得过火，咖央都算几多，都OK的!午餐-鸡脚肉骨茶($68)，呢款肉骨茶会跟埋饭俾你!肉骨茶饮落唔太似肉骨茶，感觉似胡椒汤，鸡脚唔系好淋!桂圆特饮，偏甜，不过特饮中都有几粒柱圆系入面，我饮左半杯就冇饮啦!总括黎讲，餐厅座位舒适，店员都有礼貌，午市唔需要加一，但系食物味道方面就唔系好够东南亚，可能需要改善一下啦!