新麻蒲 BBQ (形點) (已結業)

元朗yoho开左新麻浦咁耐，我都未去帮衬过，今日一早难得经开又见佢暂时冇乜人排，就入去食小小野试下。地方都好濶落好大哦！不过坐卡位对高大嘅人嚟讲只有少少顶脚。开炉又系送无限refill嘅边炉蛋同醒胃前菜，佢个泡菜同蔬菜沙律好好食。日日都三十几度高温，野饮就整返杯劲冰凉沙冰先，shark attack and strawberry flyhigh冇酒精$88，不过条鲨鱼仲系海中游紧未上岸。另外叫左个炖牛排骨，$148，好大碗下，唔辣，甜甜地，啲肉炖得好腍，啲汤都好饮。甜品方面，呢个红豆豆粉雪花冰真系要力推，因为佢啲雪花冰比好多店更轻更软更幼细。整个甜品连红豆蓉都不太甜。入面仲有啲麻薯糕烟韧好好口感。