燒肉市場 (已結業)

之前系某forum见过有人介绍过呢间嘢，觉得几吸引，所以同一班朋友去试吓。去到都几多人。食物主打自助烧烤，另有刺身、寿司、熟食如乌冬、炸物如天妇罗等等…同朋友座抵，侍应就会为你奉上一个拼盘，最特别同期待就梗系帆立贝，仲几甜，最可惜系一人一粒，唔系任叫。第二一定要食就推介牛肉粒，好稔，同黑椒汁好夹！炸物都ok，不过比较油，再加埋食肥牛，都好快饱寿司呢，水晶虾几甜，值得一试。刺身反而麻麻，冇乜味啤酒汽水任饮，但系个雪柜雪唔切咁多饮品，好在冬天冇乜所谓。食完每人仲送你一个雪糕。有咁多嘢食，可以去试吓，尤其系食肉兽或者钟意食牛嘅朋友。整体我觉得都ok嘅，但系仍有改善空间，如食物质素，可能比较咀刁，但系差唔多价钱但比较有质素嘅日式放题的确仲有好多选择。