影片
更多
2024-05-01
4204 浏览
平日下午 商场哩个角落 都小猫三两只今日假期 一上到离 这儿 变得水泄不通人们的谈话声浪与号码机的呼喊 吵闹得很餐牌近来更改了一点发现有90分钟的选择但细心查阅之后 它有一个“bug”就系 只要你枱有友人唔食牛嘅咁你就同哩个90分钟无缘其系要迫人一定要食和牛先有90分钟嘅话可以出个有 鸡&猪拼和牛 嘅啫系咪歧视啲唔食牛嘅人同其他食牛嘅朋友离食先！？咁冇办法啦 成队人都小鸟胃咁 无谓拣食放题只有硬拣60分钟嘅定食冇90分钟 亦都无谓拣太多贵啲嘅定食一入坐𠮶下 记得先要去拎嘢食因为本身食烧肉得60分钟 时间已经好短佢计时仲要系前枱一揿张单出离𠮶下已经开始计时然后先带你去个位度 再比个code你落单再笃埋下单已经又少咗五分钟上肉大约5分钟 即系烧嘢嘅时间夹埋少咗10分钟所以 一入场应该一个留守落单其他人出去夹一堆嘢返离 倒晒落个网度烧先再出去拎饮品同扫热食拎得进 网上啲菇菜 都可以夹晒系一个碟度再夹晒啲肉落网烧 先再开始食啲菇菜钟意食饭嘅 可以先𢳂定一碗咖哩𩠌饭食完啲菜 先反反啲肉 再出去拎蛋糕生果拎完返到离 啲肉就熟得七七八八 可以夹离𩠌饭食倒晒啲热食入胃 就可以拿拿林啪埋啲生果&蛋糕嘢饮
今日假期 一上到离 这儿 变得水泄不通
人们的谈话声浪与号码机的呼喊 吵闹得很
餐牌近来更改了一点
发现有90分钟的选择
但细心查阅之后 它有一个“bug”
就系 只要你枱有友人唔食牛嘅
咁你就同哩个90分钟无缘
其系要迫人一定要食和牛先有90分钟嘅话
可以出个有 鸡&猪拼和牛 嘅啫
系咪歧视啲唔食牛嘅人同其他食牛嘅朋友离食先！？
咁冇办法啦 成队人都小鸟胃咁 无谓拣食放题
只有硬拣60分钟嘅定食
冇90分钟 亦都无谓拣太多贵啲嘅定食
一入坐𠮶下 记得先要去拎嘢食
因为本身食烧肉得60分钟 时间已经好短
佢计时仲要系前枱一揿张单出离𠮶下已经开始计时
然后先带你去个位度 再比个code你落单
再笃埋下单已经又少咗五分钟
上肉大约5分钟 即系烧嘢嘅时间夹埋少咗10分钟
所以 一入场应该一个留守落单
其他人出去夹一堆嘢返离 倒晒落个网度烧
先再出去拎饮品同扫热食
拎得进 网上啲菇菜 都可以夹晒系一个碟度
再夹晒啲肉落网烧 先再开始食啲菇菜
钟意食饭嘅 可以先𢳂定一碗咖哩𩠌饭
食完啲菜 先反反啲肉 再出去拎蛋糕生果
拎完返到离 啲肉就熟得七七八八 可以夹离𩠌饭食
倒晒啲热食入胃 就可以拿拿林啪埋啲生果&蛋糕
嘢饮可先不必咁急要饮晒
先出去拎一碗 雪米糍 再唧啲雪糕食
食埋甜品先斯斯然 拎埋未饮完嘅嘢饮离场
因为一够钟 就会有侍应离 有礼貌地“催”你离座
咁又冇话错嘅 我都乖乖赶紧离座
讲完食嘢流程
讲下啲肉
一路食一路嘅feedback 系
啲牛肉或和牛 都好大阵雪味
对雪咪敏感嘅人 记得要配汁 同烧㶶啲
反而 儿童餐啲肉重好过啲和牛
可能儿童餐啲肉去得快啲？
或者本身佢就有啲烧汁腌住 所以冇咁觉有雪味？
唉 专登点一个最贵嘅和牛定食试
点知 反应话啲肉差 唔抵食
啲鸡肉猪肉 就应该正常发挥 因为友人冇feedback我又冇食
或者可能 定食同放题 出嘅肉会有所出入？
烧秋葵同翠玉瓜 反而系有赞扬
另外 甜品中 啲椰果同芦荟
其实系match唔到其他嘢食 有点夹硬离
最后有个败北系 冇咖啡奶茶饮
或者可以茶包加牛奶雪糕 变奶茶？！ XDD
最后有赞过嘅系 座位舒服啰
不过 冇得拣90分钟食 咁赶 舒服得去边
最后最唯一值得一赞嘅系
每个侍应都好有礼貌👍🏻👍🏻👍🏻
总括离讲 系自己笨 点咗一个最贵和牛定食
如果全枱人都点99蚊嘅 食60分 其实都抵食嘅
同一定够饱 都明嘅 香港地寸土尺金
都要将价就货 一贵香港人又宁愿北上
其实假都要食到咁赶
不如假期咪鬼出啲平定食啦
收贵啲啲 食长啲时间 比啲好少少嘅肉 宁愿少啲啲客
好过啲位都供不应求
啲人揿完飞 一见等得耐咪又系走
儿童餐哩样好嘅 始终小朋友食得啲乜
咁先吸引到啲家长 就算带住个小朋友 都有意欲离食
张贴