影片
更多
2016-05-19
2239 浏览
知道自己住嘅附近有一间番茄汤专门店，小妹本身对番茄称唔上十分钟情，亦都未至于讨厌，只知熟番茄对身体好，所以就去试一试啦～早上送完小朋友返学后，特登一个人前往，当时九点正咁上下室外座有两个客，一人坐一张台，室内都有三台客左右，未算太多人。舖面嘅店员有两个，一个睇上黎似系老板娘，另一个系后生嘅女仔，基本上除左落单，店员都唔会点理你，小妹行左入去最入面嘅四人台坐低后就招手叫落单，叫左$33餐，要米粉+鸡扒再加$5转成牛油脆猪，饮热奶茶。三分钟后热奶茶先上场，热度十足，放低奶茶时店员放低一包糖俾我，开头自己觉得一包糖实唔够啦，但原来自己谂多左，一包糖倒入奶茶经搅拌后，甜度刚刚好；奶茶茶味够浓，只奶略嫌奶味太淡，同埋唔够滑。煎鸡扒：带皮𠮶面煎得好脆，鸡肉虽然唔滑又冇咩肉汁，但胜在唔会煎到干晒同唔鞋口至于个牛油脆猪，牛油味唔突出，猪仔包个皮够烟韧，咬落去真系有脆嘅口感，但老实讲：唔试都唔会觉得可惜。最后到主角 番茄浓汤米粉啦～小妹选择坐有冷气嘅室内系冇错架~因为米粉由一上台已热力十足，好辣口𠮶只热哦！大冬天时食完会暖笠笠，但夏天时，未食完已汗流夹背啦！米粉煮得啱啱好，唔会硬亦都唔会糊晒，至于个汤的
早上送完小朋友返学后，特登一个人前往，当时九点正咁上下室外座有两个客，一人坐一张台，室内都有三台客左右，未算太多人。舖面嘅店员有两个，一个睇上黎似系老板娘，另一个系后生嘅女仔，基本上除左落单，店员都唔会点理你，小妹行左入去最入面嘅四人台坐低后就招手叫落单，叫左$33餐，要米粉+鸡扒再加$5转成牛油脆猪，饮热奶茶。
三分钟后热奶茶先上场，热度十足，放低奶茶时店员放低一包糖俾我，开头自己觉得一包糖实唔够啦，但原来自己谂多左，一包糖倒入奶茶经搅拌后，甜度刚刚好；奶茶茶味够浓，只奶略嫌奶味太淡，同埋唔够滑。
煎鸡扒：带皮𠮶面煎得好脆，鸡肉虽然唔滑又冇咩肉汁，但胜在唔会煎到干晒同唔鞋口
至于个牛油脆猪，牛油味唔突出，猪仔包个皮够烟韧，咬落去真系有脆嘅口感，但老实讲：唔试都唔会觉得可惜。
最后到主角 番茄浓汤米粉啦～小妹选择坐有冷气嘅室内系冇错架~因为米粉由一上台已热力十足，好辣口𠮶只热哦！大冬天时食完会暖笠笠，但夏天时，未食完已汗流夹背啦！米粉煮得啱啱好，唔会硬亦都唔会糊晒，至于个汤的确好杰，番茄味不太浓香亦都唔会话太酸，食完米粉，饮个汤时 估计到番茄嘅汤底应该系加左薯仔落去，一齐煮到薯仔溶落汤度，所以自令啲汤睇落明明好杰，但番茄味又不太突出。
题外话:赶时间的话，不太推介去食食哦~因为不论客人多寡，由落单到有得食都系要等十分钟左右，同埋呢……落完单，上餐俾你，你同店员讲『唔该』，店员都冇反应咁……9:20am左右见到门口有人要等位，因为室内位都坐满人
张贴
