十三少 (已結業)

落住雨的日子，行过见有新餐厅开左，睇睇餐牌几啱食又唔使等位，就入去试试。店员好快送上冰水，入面仲有柠檬添，天气咁热饮一杯真系好舒服。仲有碗餐前小食炸黄豆，酥脆香口，夹下夹下又几过引㖞。点左凉拌土豆丝作凉菜，都几大碟㖞。土豆丝很爽口，少少辣油很惹味。仲有麻辣卤猪手，朋友钟意食猪手呀。猪手口感偏淋，卤得很入味，唔算好麻辣，个人觉得可以辣啲。最后就系期待的十三少酸菜鱼，餐厅名物梗系要试下啦。鱼片份量都几多，很滑，完全无骨。酸菜汤底酸度刚好，要了辣口味但其实唔辣的，bb辣的程度非常易入口，汤底好好味攞左去捞饭食，汤饭超正。点左白饭因为唔想晒左个酸菜鱼汤，唔想要饭可以加宽粉㗎。之后又加左份甜品红糖糍粑，点都要食下甜先满足。烟烟韧韧几好咬，淋埋个黑糖正呀。餐厅好濶落好好坐，冷气十足，倾下偈嘅好地方。