紅豆餐室

营业中

休息中

钟意食茶仔嘅我，行过新蒲岗呢个新屋苑，当然会入去揾下有冇茶仔。商场入面最方便个间，又大大地就行咗入去。下午茶时间，当然直接叫个下午茶餐。见到佢咁有信心写咗个＂澳门猪扒包＂，就叫个黎试吓有冇澳门嘅风味。呢个澳门猪扒包已预先切好，外表上就平平无奇，不过记得食过某啲茶仔做嘅猪扒包，连猪骨都无切走，扮到好似好大块。呢个就好啲，本身就系无骨都咁大块。另外佢个包身就唔系硬脆个种，如果烘一下就似澳门个只，不过咁样都好，食落无咁干。朱扒味道差少少，如果加多啲炒洋葱可能我会更加钟意，整体上未算特别出色。由于新开张，地方仍然干净，下午茶时间相对无咁多人，不过由于我坐喺比较入嘅位置，电话收得唔好，所以都无坐太耐，后来同呀姐讲开先知原来有wifi。跟住我又问埋佢收几点，无记错last order系2300。点解我咁问，事关佢呢个下午茶餐，佢夜晚九点后又会出现，真系无限轮回。