影片
更多
2011-12-20
80 浏览
荷兰酱碎蛋烟肉卷 (Hollandaise Breakfast Stick) ($21)有晚去星巴克唔知食乜好，又冇乜新甜品想再食多次，取而待之就唯有拣包类啦，虽然我系唔钟意叹啡食包的.....但冇都冇法啰..。本想食＜意大利香肠烤卷＞，因为记得佢卷住好多黑椒粒同芥末酱，烤㶶Ｄ系好食嘅，但去到竟然冇咗㖞....原来出咗呢条新的＜荷兰酱碎蛋烟肉卷＞，可能系咁而将＜意大利香肠烤卷＞暂停一阵先啦，之后会出返嘅，好啦，睇佢个包都系意式面包，表面有好多香草都几有兴趣食吓。 切开呢旧意式面包都几好食，面层脆脆里面几烟韧，块烟肉都几肥，咸咸的但唔脆，香口Ｄ一定会更衬呢个包啫，里面酿入好多炒鸡蛋，都几嫩滑，相信系因混和了好多蛋黄酱所以更加嫩滑，不过就会觉得更肥，因为荷兰酱即系蛋黄酱，由蛋黄海盐牛油柠檬汁混和出来.....其实食食吓都有点腻。意式圣诞橙香面包 (Panettone) ($16)Panettone是意大利语「大面包」的意思，系意大利米兰的糕点，通常系圣诞节享用的，今年香港Starbucks应该系第一次推出啩？传统嘅意大利Panettone系用蛋黄、盐、酵母、面粉、糖、奶油、柑香酒、柠檬皮
有晚去星巴克唔知食乜好，又冇乜新甜品想再食多次，取而待之就唯有拣包类啦，虽然我系唔钟意叹啡食包的.....但冇都冇法啰..。
本想食＜意大利香肠烤卷＞，因为记得佢卷住好多黑椒粒同芥末酱，烤㶶Ｄ系好食嘅，但去到竟然冇咗㖞....
原来出咗呢条新的＜荷兰酱碎蛋烟肉卷＞，可能系咁而将＜意大利香肠烤卷＞暂停一阵先啦，之后会出返嘅，好啦，睇佢个包都系意式面包，表面有好多香草都几有兴趣食吓。
切开呢旧意式面包都几好食，面层脆脆里面几烟韧，块烟肉都几肥，咸咸的但唔脆，香口Ｄ一定会更衬呢个包啫，里面酿入好多炒鸡蛋，都几嫩滑，相信系因混和了好多蛋黄酱所以更加嫩滑，不过就会觉得更肥，因为荷兰酱即系蛋黄酱，由蛋黄海盐牛油柠檬汁混和出来.....其实食食吓都有点腻。
意式圣诞橙香面包 (Panettone) ($16)Panettone是意大利语「大面包」的意思，系意大利米兰的糕点，通常系圣诞节享用的，今年香港Starbucks应该系第一次推出啩？
传统嘅意大利Panettone系用蛋黄、盐、酵母、面粉、糖、奶油、柑香酒、柠檬皮及葡萄干等原料作成，所以睇佢个样似蛋糕，其实即系一个甜面包啰。
我都系第一次食Panettone，职员问翻唔翻热？当然好啦，但点解唔将包Panettone纸除开才入焗炉叮？因本在顶层的糖霜经翻热后溶化了，更黐著包住Panettone的纸，真系食纸咁食......。
面团都几松软，的确好有面包味......，面包冇橙香亦唔甜，又话系甜面包？提子干有好多粒，但只食到２小伙橙果脯而已。
呢个Panettone比出面如Citysuper卖的Size细好多，出面卖开的Size多数系For一家人食嘅，而呢个虽然For一个人食唔系好大旧，但食落其实都几寡，因为味道好单调，第一次食完后令我印象麻麻，原来Panettone系咁架咋.....？
冧酒提子面包布丁 (配云呢嗱酱) Rum Raisin Bread Pudding with Vanilla Sauce ($30)再来了再来了，2011年头第一次推出后要等到年尾先再出现，都系For冬天架喇，但的确好味㖞，最紧要叫职员将面包布丁烘焗得㶶Ｄ，一定要将云呢嗱酱分开上㖞，其实可以连云呢嗱酱都唔要，因为会好腻的，反而可以加Ｄ肉桂粉一齐食，好味。
虽然今次食嘅同上年头食的一样系冇冧酒味味，但蛋浆将法式牛油软包浸透，翻热后面层有点㶶带有杏仁片一齐食系好味嘅，今次蛋浆更冇上年食的咁甜添，系面层的糖浆甜啫，里面更有好多粒好甜提子干(冇冧酒味)，虽然系几肥下，不过一年才食２、３次都唔错丫。
张贴
