影片
更多
2012-07-02
15 浏览
今(2-7-2012 Mon)朝同男友起身后,赶得切o黎谭鱼头食11:00am前叫o既特价点心,落到o黎,同男友坐一四人圆枱,填好晒要食o既点心,等o左几耐吓,一次过上o左好多碟o黎.1.$7.80o既西米角一笼三件,以叶子作造型,都几靓,中间有唔多o既豆沙馅,食落烟烟韧韧唔太甜,有西米香味,OK.味道: 4分2. $11.80三件o既虾饺size细少少但胀卜卜,好似被虾仁塞爆o左咁,味道属正常.味道: 3分3.$8.80o既中山粉果点样中山粉果?造型系三角形o既,开头食觉得味道淡淡,内里o既馅料同潮州粉果一样,但食到中间,食到辣味,佢已预先加o左啲辣油入去.味道: 2.8分4.$13.80早市自选孖宝其中一个~芝麻煎堆仔细细个,谂住系冇馅o系里面,原来有o既,系豆沙馅,呢个都冇乜问题.味道: 3.5分5.$13.80早市自选孖宝其中一个~牛肉肠肠粉算几滑,牛肉份量唔太多亦唔太少,最好味o既系甜豉油.味道: 3.8分6.$11.80o既豉汁酿青椒佢o系酿青椒面上加o左啲花生碎,其实作用唔大吧,而同样,味道正常,最好味o既都系甜豉油.味道: 3.8分7.$7.80o既煎萝卜糕两件煎得㶶㶶
1.$7.80o既西米角
一笼三件,以叶子作造型,都几靓,中间有唔多o既豆沙馅,食落烟烟韧韧唔太甜,有西米香味,OK.
味道: 4分
2. $11.80三件o既虾饺
size细少少但胀卜卜,好似被虾仁塞爆o左咁,味道属正常.
味道: 3分
3.$8.80o既中山粉果
点样中山粉果?造型系三角形o既,开头食觉得味道淡淡,内里o既馅料同潮州粉果一样,但食到中间,食到辣味,佢已预先加o左啲辣油入去.
味道: 2.8分
4.$13.80早市自选孖宝其中一个~芝麻煎堆仔
细细个,谂住系冇馅o系里面,原来有o既,系豆沙馅,呢个都冇乜问题.
味道: 3.5分
5.$13.80早市自选孖宝其中一个~牛肉肠
肠粉算几滑,牛肉份量唔太多亦唔太少,最好味o既系甜豉油.
味道: 3.8分
6.$11.80o既豉汁酿青椒
佢o系酿青椒面上加o左啲花生碎,其实作用唔大吧,而同样,味道正常,最好味o既都系甜豉油.
味道: 3.8分
7.$7.80o既煎萝卜糕
两件煎得㶶㶶地,一件唔㶶,内里有少量虾米同腊肉,食得出萝卜o既清甜味,亚姐会自动拎碟甜酱加辣椒油o黎,但o系同一个碟仔,甜酱就被辣油盖住,搅到我蘸甜酱食都食到辣油.
味道: 3.4分
8.$7.80o既家乡蒸饺子
上到o黎,干争争的,食落,个皮厚,味道似窝贴,食埋旧猪肉馅,简直系一模一样,不过呢个唔系煎,同冇肉汁,好差,男友话要蘸汁食,到最后未上o既鲜竹牛肉球有喼汁时至可以蘸o黎食.
味道: 1.5分
9.$7.80o既鲜竹牛肉球
呢个系部长走o黎问我o地牛肉球系咪到o左,我o地答未到.佢就通知亚姐,原来亚姐揾唔到我o地张枱,真搅鬼.呢个味道都属于正常o既.
味道: 3分
环境:
同上手尚宾楼冇乜分别,枱与枱之间一样咁迫,比佢更差o既系櫈o既软垫唔够厚,重要有木框围住,坐得麻麻地舒服,而冷气又开得几冻吓.
服务:
只顾为o岩o岩到来o既客人开茶摆位,完全忽略为食o紧o野o既客人加水.
收银态度差劣,黑口黑面之余重将找畀客人o既钱掉上张枱o度.
呢餐合共$96.00,我计极都计唔到呢个数,唔明点计.
张贴