影片
更多
2024-03-30
715 浏览
同朋友行街差唔多食晚饭，上网见到推荐同评分望落都几好，点知伏到喊本身入到黎都几好既，环境好坐得舒服，周围既日本车票装饰都几靓，见到日本车站名既贴纸都好有趣，但系落左单之后真系好后悔叫左100g豚同牛既组合，另外叫左炸鸡同野饮野饮冇问题，首先讲返个餐先个餐我等左半个钟，其实我想问，呢几样野需要半个钟黎搞咩？约7点半入座，接近8点先送到，而且现场唔超过10个客人，连罐野饮都要过左10分钟先送过黎，乜唔系雪柜拎罐野饮就得啦咩？个饭冻冰冰硬硬地，落左烧肉汁捞又落黑椒落七味粉烧埋肉一齐食先勉强食到汤同泡菜正常发挥但个肉先系最大既问题唔知张相睇唔睇得出，但我食既时候系好明显咁见到冰渣上面，旧肉劲硬，好似岩岩系冻肉铺买完未解冻好，到底等左半个钟系等咩？系隔离街市拎返黎？肥膏方面猪既话还好，但牛既肥膏真系有少少多，烧系时候个牛肉因为肥膏缩埋一旧，唔讲以为你依家整紧牛油。见到唔少食评都话唔大油烟食完唔会成身烧肉味好好，紧系啦，你d肉乜味都冇食落同擦胶有咩分别？系个蒜香牛油酱都几香，靠调味料先叫系摆到落口。落黑胡椒既调味罐烂左就咁拎胶纸痴，连我朋友个罐都系，可惜冇影到相。个炸鸡正价$31，跟餐叫$21有6
本身入到黎都几好既，环境好坐得舒服，周围既日本车票装饰都几靓，见到日本车站名既贴纸都好有趣，但系落左单之后真系好后悔
叫左100g豚同牛既组合，另外叫左炸鸡同野饮
野饮冇问题，首先讲返个餐先
12 浏览
0 赞好
0 留言
个餐我等左半个钟，其实我想问，呢几样野需要半个钟黎搞咩？约7点半入座，接近8点先送到，而且现场唔超过10个客人，连罐野饮都要过左10分钟先送过黎，乜唔系雪柜拎罐野饮就得啦咩？
个饭冻冰冰硬硬地，落左烧肉汁捞又落黑椒落七味粉烧埋肉一齐食先勉强食到
汤同泡菜正常发挥
但个肉先系最大既问题
唔知张相睇唔睇得出，但我食既时候系好明显咁见到冰渣上面，旧肉劲硬，好似岩岩系冻肉铺买完未解冻好，到底等左半个钟系等咩？系隔离街市拎返黎？肥膏方面猪既话还好，但牛既肥膏真系有少少多，烧系时候个牛肉因为肥膏缩埋一旧，唔讲以为你依家整紧牛油。
见到唔少食评都话唔大油烟食完唔会成身烧肉味好好，紧系啦，你d肉乜味都冇食落同擦胶有咩分别？系个蒜香牛油酱都几香，靠调味料先叫系摆到落口。落黑胡椒既调味罐烂左就咁拎胶纸痴，连我朋友个罐都系，可惜冇影到相。
4 浏览
0 赞好
0 留言
个炸鸡正价$31，跟餐叫$21有6旧张图我唔记得食左一旧先影，迟过个餐隔左一阵先上
系热既，个皮唔算太脆……个肉摆到入口，但系唔系好feel到肉味，如果我食其他餐厅一定觉得旧炸鸡唔好食，但同呢间铺d未解冻既肉比较已经算好
沙律酱冇特别，因为都系出面买
食完成餐饭唔知自己摆左咩落口，食过其他一人烧肉店既肉系会事先腌好，烧完唔落调味料都已经有味
但呢间每旧肉都要靠烧完点酱先有味，唔知系咪因为d肉未解冻好，但我真系冇谂过烧肉都可以咁难食，谂住小店有特别，点知咁伏
最后埋单加一$85
我唔明加一既意义系边，服务既地方只有拎个餐过黎同帮我地卖单，我个fd拎到餐既时候店员有帮佢开炉同教佢用，我系完全冇，自己开炉。虽然自己开炉好平常，但呢间铺要加一，所以感觉有少少奇怪。
临走之前，坐卡位既两个姐姐突然之间叫有曱甴，有个店员有去帮手捉，但食到一半有曱甴走出黎都几恐怖……但冇见到唔肯定系咪真
店员基本上都系内场搞，系送餐既时候先派1-2个人出去，入铺时系冇人接待的，d位任坐
等餐时见到内场厨房keep住整紧野食，但睇唔到整紧咩……d肉唔系应该准备好晒啦咩？
最后啦，真系唔明点解咁多好评，间铺上网揾系2023年10月尾开张，唔少食评都系个段时间写，可能开铺时既质素好好啦，但我今次食真系feel唔到，全餐最好食既居然系等左10分钟先拎到既野饮
85蚊当交左智商税，见到唔少人食$308高级少少既餐，但d相影出黎个肥膏咁鬼多，居然话油脂满满好幸福，雪花同埋肥膏唔识分？300蚊我都食到其他铺平价既烧肉放题啰
今次冇叫丼饭，见到唔少人话都话好食，就咁睇大家影既相都OK既
但原谅我真系比唔到第二次机会比呢间铺。
张贴
