麥當勞

营业中

休息中

麦当劳早排网上派免费麦炸鸡，咁啱拎到一份，为食嘅我紧系要试试啦我拎嘅麦炸鸡系鸡下髀，鸡髀都几大只，虽然好大只，但系啲肉食落都几滑，以炸鸡嚟讲都算系咁，KFC都做唔到咁滑。但系原来件鸡几辣，辣度好似辣过脆香鸡翼，本身我都食得辣嘅，都觉得几辣，唔知系咪分店问题，要再试下其他先评价到。唔食得辣嘅朋友就要谂下试唔试喇另外，麦当劳喺包装袋嘅设计都放咗小小心思，个袋中间整咗虚线位，可以喺中间打开，包住下面个part，食嘅时候唔洗整污糟只手。至于价钱，净两件鸡要$33，跟餐要$45，价钱唔算好平，不过如果突然夜麻麻想食炸鸡，都可以顶下瘾，始终都仲未有24小时营养嘅KFC同其他同类型嘅炸鸡店