影片
更多
2013-05-25
32 浏览
一早就想同屋企人食新斗记，本来谂住去佐敦食，不过订台两个时段都麻麻地，上去新斗记 facebook 睇，就发现佢地喺屯门嘅新店试业中，冇理由舍近取远唶？订台时已经问定阿姐有冇咩要预订，佢话烧鹅或者 d 特别 d 嘅海鲜先要，so far 屋企人唔系太食得比较毒嘅嘢，所以唔驶订。订咗八点钟台，我地早咗三个字到，去到要等一等，八点过少少就有台。一行五个人叫左六𩠌一汤，另外仲敬送甜品~// 胡椒猪肚花甲汤 //胡椒十足，猪肚同花甲亦唔吝啬，唔错~// 乳猪 1/4 只 //呢样冇得输，烧得松化，上台后隔一段时间食都依然脆卜卜！屋企人即时话春秋二祭要嚟呢度买乳猪！// 栗米石斑 //一碟八件，件件都系啖啖肉。又系上台后隔咗好一阵先食，鱼肉仍然热辣辣！ 证明唔系厨房整定 hea 你！石斑嘅粉浆唔系好厚，姨妈话个浆再脆 d 会开心 d~~~ // 啫啫唐生菜 //上台唔系好听到「滋滋」声，again，上台后隔咗好一阵先食，食落先发现有芯嘅部份比较青！ 不过为时已晚，想用余温迫熟佢都唔得~~~// 虾籽柚皮 //席间个个都系第一次食，感觉新鲜，所以唔识话系好定唔好~~// 豉油皇炒面 //again
订台时已经问定阿姐有冇咩要预订，佢话烧鹅或者 d 特别 d 嘅海鲜先要，so far 屋企人唔系太食得比较毒嘅嘢，所以唔驶订。
订咗八点钟台，我地早咗三个字到，去到要等一等，八点过少少就有台。
一行五个人叫左六𩠌一汤，另外仲敬送甜品~
// 胡椒猪肚花甲汤 //
胡椒十足，猪肚同花甲亦唔吝啬，唔错~
// 乳猪 1/4 只 //
呢样冇得输，烧得松化，上台后隔一段时间食都依然脆卜卜！屋企人即时话春秋二祭要嚟呢度买乳猪！
// 栗米石斑 //
一碟八件，件件都系啖啖肉。又系上台后隔咗好一阵先食，鱼肉仍然热辣辣！ 证明唔系厨房整定 hea 你！
石斑嘅粉浆唔系好厚，姨妈话个浆再脆 d 会开心 d~~~
// 啫啫唐生菜 //
上台唔系好听到「滋滋」声，again，上台后隔咗好一阵先食，食落先发现有芯嘅部份比较青！ 不过为时已晚，想用余温迫熟佢都唔得~~~
// 虾籽柚皮 //
席间个个都系第一次食，感觉新鲜，所以唔识话系好定唔好~~
// 豉油皇炒面 //
again and again，上台后隔咗好一阵先食，算炒得干身，不过始终凉咗，唔识点 comment 佢。
// 蛋白姜米蒜香蟹饭 //
见四围枱枱都叫，又仲食得落嘢，追加~ 蒜蓉香得来唔抢，同 d 饭捞埋就愈食愈想食。未叫之前都知用来伴蒸嘅蟹唔系大大只，冇咩期望，不过食落肉质鲜甜嫩滑，食到忍唔住落手食 唔错唔错
// 红豆沙（送）//
红豆煲得烂，个人而言太甜（我系柠水唔落糖嘅... ）。表弟话对比佢学校 canteen 嘅「‧糖‧水‧」，呢个好好食 不过个句，免费嘢，冇乜求，唔错啦~~
屯门又多一样食得过嘅餐厅啰~~
题外话/补充资料：
侍应们态度唔错，而且唔会甩甩漏漏，以新店来说都唔错。不过上文好多「上台后隔咗好一阵先食」，事关厨房非常有效率，落完单隔唔系好耐，d 𩠌就拿拿声抢住上！虽然有效率一定比甩单好，不过咁样就享受唔到食物新鲜上枱嘅美味。希望佢地可以慢慢 catch up 个 pacing，愈做愈好啦~~~
(以上食记乃用户个人意见 , 并不代表OpenRice之观点。)
张贴