臻.茶 (青衣城1)

营业中

休息中

食完辣嘢，想饮杯靓茶解解渴，青衣城选择唔多，上咗OpenRice搜寻🔍见到得三四间，本身谂住去人气较旺的老字号舖头，但一离开餐厅行多几步就见到臻茶。咦⋯新嘢㖞！之前哩个位都系卖台式饮品嘅，宜家转咗臻茶，见咁多人排队，个名又咁特别（我都唔识读），个门面又有玩味，咁好啦，转軚试新嘢。每次试新嘢，我一定会先拣珍珠奶茶，纯粹个人喜好。今日叫咗黑糖珍珠大红袍奶茶，因为比较少见到有舖头用大红袍，通常都系用乌龙同绿茶，而黑糖又系我嘅至爱，期待！一饮，唔错㖞！整体感觉好清甜同清新，甜度刚刚好，珍珠都好香甜好烟靭好弹牙，奶同茶嘅比例亦好好，饮落去有少少厚度，口感好滑好舒服。茶味都几香，唔会有酸或涩味，不过就唔系好饮得出系大红袍。期待试其他饮品！顺带一提，我觉得支饮管同盖唔系太好用，最后啲珍珠都无食晒，因为支饮管难控制，好难校啱位吸啲珍珠上嚟。