影片
更多
2022-05-12
960 浏览
心烤of the Opera!今晚同朋友试新嘢，就系因为3个月前我入咗厂失约要等到今晚先至有机会见面。亮点系我仍然有一间小克真迹嘅VIP房，好有今日香港嘅feel!心烤大众酒场 - 居酒屋，即系乜都有，今晚饮酒多所以叫嘅嘢食唔太多，Lemon Sour 系signature, 日本高质烧酌做底，加上盐味，所以唔会太甜，虽然有半杯都系柠檬，但唔会太酸，只有清新嘅感觉。烧牛脷芯心烧食堂系我哋认同嘅全港第一，而新开嘅心烤大众酒场只系我哋都认同嘅全港第二，我哋真系太钟意食牛脷，所以真系只要有牛脷叫嘅地方我哋都会叫嚟试吓，而每次我哋嘅同感都系：好挂住心烧嘅牛脷芯呀，同心烧真系冇得比等等！银杏 - 好多人都唔钟意食白果，因为有苦味，但我哋超钟意食，所以就算卖$40一串我哋都叫咗两串嚟食。卓上朋友话未食过咁好食嘅白果，我串咀一句：梗系啦，$10一粒㗎！后来问老板先至知道原来系来自日本嘅白果，来货已经好贵，但真系好好食！所以系银杏而唔系白果！作为明太子控嘅我，个烧明太子实在太太太太太好食啦，所有喺日本嘅回忆返晒嚟，即时想叫一碗秋田小米白饭！烧鳝 - 只能屈居全港第二，因为心烧始终系冠军，货系靓嘢，好肥
今晚同朋友试新嘢，就系因为3个月前我入咗厂失约要等到今晚先至有机会见面。亮点系我仍然有一间小克真迹嘅VIP房，好有今日香港嘅feel!
心烤大众酒场 - 居酒屋，即系乜都有，今晚饮酒多所以叫嘅嘢食唔太多，Lemon Sour 系signature, 日本高质烧酌做底，加上盐味，所以唔会太甜，虽然有半杯都系柠檬，但唔会太酸，只有清新嘅感觉。
烧牛脷芯心烧食堂系我哋认同嘅全港第一，而新开嘅心烤大众酒场只系我哋都认同嘅全港第二，我哋真系太钟意食牛脷，所以真系只要有牛脷叫嘅地方我哋都会叫嚟试吓，而每次我哋嘅同感都系：好挂住心烧嘅牛脷芯呀，同心烧真系冇得比等等！
银杏 - 好多人都唔钟意食白果，因为有苦味，但我哋超钟意食，所以就算卖$40一串我哋都叫咗两串嚟食。卓上朋友话未食过咁好食嘅白果，我串咀一句：梗系啦，$10一粒㗎！后来问老板先至知道原来系来自日本嘅白果，来货已经好贵，但真系好好食！所以系银杏而唔系白果！
作为明太子控嘅我，个烧明太子实在太太太太太好食啦，所有喺日本嘅回忆返晒嚟，即时想叫一碗秋田小米白饭！
烧鳝 - 只能屈居全港第二，因为心烧始终系冠军，货系靓嘢，好肥美，但差少少火喉！
鸡皮饺子 - 好特别，皮脆肉嫩，好有惊喜，不得不试！
海胆玉子伴三文鱼子 - 我用惊为天人嚟形容应该唔会好过份，我连碟底嘅紫苏叶一齐食，溏心蛋嘅味道加上海胆同埋三文鱼子嘅味道，简直就系天做地设嘅组合。
烧豆腐干 - 我认我系天生钟意食，所以系无意见嘅咁好食，好脆！
味噌牛杂 - 唔食内臓嘅我哋系我误点嘅，但意外地清晒，唔洗解释啦！
张贴