Home Kitchen

营业中

休息中

胜利道已经有唔少食肆，早前同个 friend 行过，见有新店开咗，所以又特别试吓口味。小食叫咗炸生蚝同埋炒和牛，两样都唔错，炸生蚝唔干但够脆，食出有鲜味。个人就钟意和牛多少少，嫩口，肉多汁。Main Course 就叫咗个牛扒，火腿意大利粉(面)。安格斯牛眼扒唔用碟，用木板上，都几特别，分量够，叫 medium ，厨师就真系俾 medium ，冇过火，肉中心仲系粉红，食落有肉汁，不过跟上薯条就普通咗D。碟粉意就真系唔错，可能个人喜好，对 Angel Hair 钟爱；BTW，Angel Hair 正名系 Capellini。咁碟 Capellini 系啱煮够时间，无多无少，唔太软，唯一失败系蒜多咗少少，不过好在唔系一齐炒，只系围住D Capellini，唔钟意可以唔食，火腿都有火腿香味，但如果菠菜再多D就更正。成餐饭整体都OK，比起同一条街其他食肆，都可以讲系上水准之上。