開心麵皇 (已結業)

今日一家三口加二个老人家行经时代广场 , 见有小小肚饿 , 谂住Tea一Tea , 收到传单有间新开面舖 , 标榜不含味精 , 心谂老人家最怕味精 , 即管试下 , 间面舖系Holiday Inn Express Lobby 一楼酒店Counter 隔离 , 有位坐底 , 叫个鲍鱼面俾老婆 , 点知幼面卖哂 , 有无搅错, 面舖无幼面 , 算数转叫簥麦面 , 阿女自选车仔三𩠌米线 , 外父叩个和风鳗鱼粗面 , 外母一个猪手面 , 我食咩好呢? 叫个海立鱼片面 , 但个侍应话今日无海立鱼到 , 有无搅错又无 , 有个女人走埋黎话因为D立鱼唔靓所以唔卖, 费时做衰招牌 , 啊原来老板娘, 跟住推介个鱼头汤面 , 我话怕腥 , 佢拍心口话腥既就唔收钱 , 好! 配米线啦 , 食落真系一D都唔腥 , 啖汤鲜甜到不得了 , 正! 鲍鱼面猪骨汤浓而不腻 , 鲍鱼面香浓但鲍鱼细佐DD, 阿女d车仔面 , 汤清甜丸弹牙都OK, 鳗鱼面D鳗鱼好肥 , 好甜 , 唔知咩嘢黎, 猪手面D猪手淋得滞, 但都好入味, 小食猪耳唔够爽脆 , 牛展OK, 炸云吞好脆配甜酸酱好特别 , 青瓜辣到飞街 , 即刻叫杯雪梨