粵桂樓 (已結業)

中环兰桂坊约食饭见客又多个选择，Fovea价位中等，但啲菜就好特别同一份贵气，睇图就明架喇！春暖花开笑迎春全素头盘，头盘主要都系帮食客开胃，所以都系酸为主，比较特别系一款用鲜淮山混合左芒果汁，好有新鲜感，鲜淮山真系第一次试，有惊喜，另外金梅凉瓜爽，都算几酸，但酸之中又带少少甘，都算系近期之中最特别嘅头盘。飞雪蓝莓黑豚肉卖相系类似糖醋排骨，但系一来系用黑豚肉，二来系用蓝梅汁，所以个味有啲唔同，黑豚肉唔算肥，唔驶担心好似食肥膏咁，味道都有惊喜，相信系蓝梅汁带出左啲肉味，唔错！少少糖霜营造左飞雪效果，主要都系为左卖相，唔会令道菜好甜，值得一提系每一件黑豚肉大小形状都好接近，大啖少少都可以一啖一件，都几细心，好高水准！龙皇野菌飞鸽圃非常好食有惊喜ge一个菜，因为好好食，我就好仔细咁睇真啲里面系用咩整，首先佢系用起骨起肉再绞碎，仲捞左少少虾胶，再酿返入只鸽再炸，钟意啖啖肉嘅朋友一定会好钟意，因为乳鸽好多人钟意食，但系就唔系咁多人钟意佢有骨，呢道菜就冇晒烦恼，系好得，味道比普通乳鸽重少少，口感就大幅提升左，要推介！浓汤竹笙花胶素翅未上枱嘅时候以为系一煲咁上，原来系一道菜，卖相好靓成个圆型 (有啲可