印豪印尼商店

营业中

休息中

食厌左港式三𩠌饭？可以黎试下印尼嘅三𩠌饭😆跟姐姐介绍黎到印豪商店度买野，除咗粮油杂货，仲有饭𩠌卖㗎。有自选三𩠌饭卖紧$40，亦有预先包好嘅盒装或袋装熟食😋店员姐姐十分热情，横掂未试过，就要份三𩠌饭试下啦。咩都想试，姐姐话样样夹少少比我试，出嚟呢盒都唔知有几多𩠌嘅饭😁超大盒啊～先有咖喱鱼🐟，鱼系煎香左呢呑拿鱼黎，仲有豆腐同茄子等配菜，咖喱汁好有椰奶同香料香👍椰丝🥥牛肉🐂？唔知点叫好，味道同口感都好得意。前面呢堆系辣炒木瓜丝，都几辣㗎，估唔到炒起上黎几好食，木瓜净系试过就咁食同木瓜沙律咋，熟食又系新口味👍跟住仲有中间呢个炒杂菜，同旁边嘅炸花生🥜姐姐仲问使唔使多饭，哈哈，已经大盒到食唔晒啦。再整支冰冻椰子水$10，够清甜😋顺便买啲零食返去先，饼干、薯片、茶包、咖啡等都好多选择啊。