八月小品 (已結業)

见到屋企附近领X商场翻新后有间新派酒楼就带阿爸阿妈走去试下，拿飞等咗十五分钟左右就有位好似几好彩，入到去点咗叉烧肠、棉花鸡、烧卖、叉烧包、山竹牛肉、潮州粉果、豉油皇吊片炒面⋯⋯点知一笼叉烧包得两个，仲要细细个，粉果细粒过乒乓波，肠粉又唔淋，未计加一$68既炒面分唔到四个茶楼碗，啲吊片就无喇，只有几条吊丝，未食完就收野，无晒水又唔理，完全无礼貌！差差差！！啲茶杯同碗黏住啲食物碎，唔自己洗都唔知点用，又无倒洗碗水个个大碗，又唔帮客人倒个啲洗碗水，全部要自己搞。加一服务费就收，但无服务提供啰！派飞个个又俾啲过左十几个先返黎嘅入先，无制度可言。劲差差差！呢啲质素，唔怪得知拿飞之后咁快有位。以美X大集团黎讲算系超级低水准，虽然开咗先一个星期左右，但应该唔会再有下次。食野都系想舒舒服服啫，都咁难！