つけめんTETSU (已結業)

香港人对日本菜既热情依然系如火 对拉面当然亦都一样 近日铜锣湾就开左一间由日本开过黎既沾面店 听讲系东京就已系好有人气 我初到贵境 就紧系要叫左个招牌菜先啦 拉面咬落我觉得都几适中 叉烧亦好出色 如果你觉得个汤冻左 你叫可以order要一块热石 听讲热石拉面呢个发明就系佢地开始? 佢地会帮你将块石加入汤里面 你会立即见到你块石一落到汤 d汤就沸腾喇 令你个汤热返d 咁你当然唔好以为会热到好似岩岩煮完无几耐咁啦 呢度你仲会见到台上面有樽炸洋葱 大家不防试一试 炸得几香几干身 配合拉面一齐食都系一个唔错既选择呢度我觉得比较可惜既系个溏心蛋 虽然系溏心 但我就觉得唔系好够入味 唔知同会汤汤味浓有无关系呢 另外呢度都仲有一款水饺子 我自己就唔觉得好特别 我都仲系比较钟意煎饺子大家可能要注意一下 面有分大细 我叫左个细既 但因为真系太多 我无办法食哂佢喇 希望佢地迟d可以出个份量再细小小架啦 唔想浪费食物嘛！另外其实佢比块热石我既时侯真系有d惊