吉野家 (已結業)

是日九点几先揾食，唔知食咩好之际，行过吉野家见到卖告上嘅「芝士锅」作为芝士迷点会放过呢个机会同友人入到去，我谂都唔谂已经决定要芝士锅！而朋友就叫咗「咖哩深海鱼柳+天妇罗野菜饼饭」！咖哩深海鱼柳+天妇罗野菜饼饭以为好普通货色，点知有啲惊喜！首先上碟「深海鱼柳+天妇罗野菜饼」有用铁网盛住，以快餐店黎讲，呢少少诚意已经微微打动到我！再者，野菜饼炸粉唔会太多，咬落去唔会松晒或者油淋淋，好味深海鱼柳内里好滑，但炸嘅技巧同效果就比野菜饼逊色咖哩汁则太杰。浓芝士鸡锅至于芝士鸡锅～呢个芝士真系好邪恶系由四重芝士炮制，仲有流心芝士丸同鸡脾肉，拉丝效果好正！之后就加入至爱乌冬！真系好浓好香芝士味但系食完呢个锅会好漏好口渴，不过如果系芝士控可以一试！过过口瘾