ZERO (已結業)

落雨天行朗豪坊，大雨到唔想离开商场，大有商场揾食。见到下边有个牌介绍新餐厅，上到12楼，见到门面唔错，就入咗去食。呢间主打pizza! 仲要有得自选砌一个，好有新意，仲可以拣自己钟意嘅材料。本身佢都有几款特定嘅pizza，不过特定的唔太吸引，所以就自选一个吧！饼底指定系一个10吋簿批，之后自己拣酱汁！今次唔拣一般常食既蕃茄酱汁，拣咗少见嘅喇沙酱汁。跟住有四只芝士拣，拣咗常见嘅车打芝士！在喺下面配料拣，今次拣咗巴马火腿，西班牙辣肉肠，鳗鱼，同埋菠萝。之后静待15分钟，佢哋就会焗好俾你！另外叫咗一个台台都叫嘅拼盘，系一个摩天轮架，卖相超吸引，而且仲转得！配上四款酱汁，其中我最钟意啡色𠮶只酱汁，问一问侍应，原来系黑松露酱汁呢只系肉丸，用上八爪鱼丸嘅酱汁，好开胃好好食！呢款平平无奇嘅面包，出奇地有脆又香又好味！成个拼盘里面我最钟意食呢款！呢个系好辣嘅鸡翼，好香口，可惜对我来讲太辣啦！唯有畀晒老公食！呢款系天妇罗式既鱿鱼同秋葵！不过炸粉有d厚！但都好食嘅！炸芝士粒粒，呢个一定要点酱汁！同埋一定要趁热食，咁先可以拉啲芝士出嚟！食热气野点可以唔配d解渴嘅嘢饮，佢有一款乳酪沙冰，又系可以自选两款生果。