尚八日式燒肉店 (已結業)

早几日行过旺角，见以前盛八位置换左招牌改左名叫尚八，见佢都系做烧肉放题，决定约埋d friend今晚试试佢入到去见装修无咩改动，但店员明显比之前盛八有礼貌好多，我估系新老细教道有方挂？不过一于少理，医肚紧要！一坐低佢就摆低一盘插左成板海胆嘅刺身，话系送嘅，无错系一板海胆😍️😍️呢个新老细果然出手阔佬！可惜挂住食唔记得影相。不过原来要加30先可以刺身寿司任食，我见佢连剌身带子都有，照加啦😊一边食寿司一边烧，唔驶比d香味搞到咁肚饿哈哈佢d牛肉都好多选择，有好多口味，感觉比以前盛八有诚意好多，连牛肉剌身同牛肠呢d通常日本先食到嘅都有！而d煮物亦都好好味，推荐汁煮牛肝，炸蚝，一口芝士同鸡软骨，坚好味！烧海鲜方便亦好得，大大只虾都多叫多有！不旺我地等左差唔多成个钟先入到！下次我会记得订位先架喇！