壹食就醉

营业中

休息中

近期比较少出外食饭，突然间想去食下海鲜小菜。今日去咗壹食就醉。尖沙嘴区地点方便，卜卜蚬锅叫咗个细，二人份量一定够食。蚬会配上清酒，店员会帮你调好味道，个蚬煲都黎到都好多蚬，越食越多咁。份量真系非常之多。蚬肉细细粒，虽然有少少沙，但系都尚算鲜甜。另外，想叫个肉食。叫咗XO酱炒黑豚肉，肉系薄片，食落好似肥牛咁；而且充满酱汁，都几浓味。仲有其他配菜，唔会太斋。本身想食椒盐九肚鱼，咁岩今日冇就叫咗椒盐鲜鱿。炸得几香，如果饮埋啤酒就正！喺社交平台打卡仲送饮品，我哋叫咗罗汉果茶一渣。