鮨三川 (已結業)

机缘巧合之下知道咗依间Omakase，平时觉得食呢类厨师发办会好贵，不过听朋友介绍话呢间新开做紧优惠，所以咪去试下，不过试完应该会上瘾...咁夸张？先唔讲其他，一入门口个侍应哥哥十分亲切，原来系老板黎，仲要系靓仔，佢话呢间系新品牌，同区仲有间居酒屋，仲好nice派左卡片比我地～咁靓仔....佢话点就点啦～𫠒红鱼薄切，配个酸汁啫喱，唔错唔错！特别欣赏只日本蚝，好鲜味，质感爽甜。北海道牡丹虾好新鲜，蓝色嘅虾子好特别，配上烧左既虾膏，非常好食。金目鲷烧香配芽葱、烧北海道银鳕鱼，烧一烧个效果好好，成件寿司食落好香，仲唔会油淋淋。中拖罗、赤贝都好新鲜，最钟意件海胆，紫菜脆，海胆好鲜甜，总括，用餐体验好好，出品同经营者理念都好欣赏。（自我感觉良好）餐牌上见到「吸物」两个字，开头都唔知系咩嚟；原来系日式烹调嘅汤 ，无咁浓味，饮落去清清地带出到海鲜嘅鲜味。到最后嘅甜品，原来系日本直送嘅哈密瓜，虽然我唔知边个产地但同我喺北海道「夕张」食嘅哈密瓜味系一样㗎～Omakase 嘅理念系将最时令新鲜嘅嘢食呈现给客人，所以下次有机会再嚟，可以食到多嘀唔同嘅日本刺身寿司...因为？平靓正啰