金記冰室 (已結業)

最近经过依间金记发现佢哋经常重复，成日都系「咖喱牛脷加鱼柳」，我唔想要牛脷呀⋯⋯但真系一个星期起码有三日都系同一样嘢，搞到我都有一段时间冇再食。今次下午茶时间嚟到，谂住坐低咗，求其拣一样嘢食，都谂咗好耐，见到佢哋有新嘅菜式，系秋冬餐牌。川味回锅肉炒乌冬睇个卖相都几有诚意，始终唔系午餐快餐，真系师傅即叫即整，够晒镬气！份量亦都非常多，回锅肉好大旧，不过有唔少系肥肉😅😅咸香，配埋啲洋葱，芹菜，都非常惹味。虽然系比较油腻，间中一次半次都OK嘅，起码搞搞新意思冇咁闷。不过一到咗下午茶时间啲侍应就开始松懈，十问九唔应，服务有待改善。