華倫餐廳 (已結業)

睇完食评被吸引了！决定黎试下，跟住地址揾行到太兴附近都见唔到，当好失望之际，念住放弃，就系凤城酒家隔离见到佢！店内装修好新，唔似一般烧味茶餐厅，走高档路线。有单人坐位，应该系方便lunch time 人来人往既时间。下午茶既选择颇多，面包的浪漫，岩晒我依d面包痴。反而晚餐真系念唔到想食咩，西多太滞一个人又食唔到，又唔想食常餐或烧味，最后拣左焗鸡排。等左都几耐，先黎杯奶茶，但茶味唔出，有点淡。焗饭ok ，但d汁都仲好稀，无焗过咁。但块鸡排就无咩食过，因为雪味太重。但份量就好够!下次去试新既餐厅都系拣反佢出名既野！今次食完，失望有的，但只系怪自己叫唔岩，或者有机会下午茶或早餐先黎过！