Cosmos Restaurant & Bar (已結業)

同女朋友行街，见间铺新开，行过店员话今日新开，见有位，就试下新野。叫咗一个A餐同一个B餐. 先黎个沙律，沙律新鲜，酸酸甜甜，女友好钟意。是日餐汤蘑菇忌廉汤，菇味浓郁，好香，稍为稠了点，块包系脆脆地。女友钟意食菇，又好钟意，块包脆得黎又唔系硬，女友唔钟意硬屈屈，块包佢又like㖞。我既主菜牛油果三文鱼焗饭，我就觉得唔错，味道几夹。女友对鱼麻麻地，佢唔like。女友佢想试块10安士牛扒，但又惊食唔晒，咁隔离枱块扒又真系几有份量，最后拣咗蒜香白酒龙虾扁意粉，有半只龙虾。卖相无的输，佢都有d良心，比只钳我食，好弹牙，唔错。女友话龙虾好食，意粉就淡咗d，佢钟意重口味，哈哈。上埋甜品士多啤梨奶冻，味道ok，唔太甜。今餐女友都几钟意。