財記美食

营业中

休息中

路过此地见有新餐厅开张，红纸都未拆仲系试业阶段，价钱都好平㖞，入黎试下佢先。下午茶不算太多人，有室内同室外坐位，室内冷气超强正呀，最钟意啲够凉嘅餐厅。卡位都几濶落，餐牌呢就暂时未算太多选择，试业嘛，未系样样都ready。点了黑椒牛仔骨饭，送例汤同餐饮，冻饮加两蚊，价钱好合理呀。呢碟饭竟然有成六块牛仔骨，会唔会夸张左啲？哈哈，煎得香口不干身，有少少肥膏位好甘香，入口有满满的牛油香，黑椒汁够惹味，超好下饭。例汤好浓味，非一般茶仔啲例水，哈哈，你懂的。是日系红萝卜猪骨汤，好味到想添饮。餐饮要左冻柠茶走甜，茶底够香，柠檬无苦涩味。午餐38蚊咋，好平呀！好似话四月正式开张，咁抵食会成日黎了。