瀧本日式料理

营业中

休息中

IG见到有foodie介绍呢间新开冇耐嘅日式放题店，喺Openrice再望过吓啲相觉得唔似伏，所以就约咗个朋友今晚7pm上嚟一战，拣咗Set A，用餐时间系入座起计120分钟一步入餐厅，有浓厚气味扑鼻，作为榴梿厌恶者真系会有啲反感，不过座位阔落，光线充足，加番唔少分讲番食物，首先系自助区，选择都算多，干净企理，有沙律、冻海鲜、日式小食同炸物，试咗几款味道都正常，唐扬炸鸡no.1，唔啱食嘅话仲有啲中式菜肴可以拣，包括酸菜鱼等等刺身方面以带子同象拔蚌最鲜甜，唯一唔推荐系赤虾，细只得嚟又冇乜味，不过利申番系冇试四款包括希灵鱼、北寄贝、虎虾同蟹脚手卷同寿司方面预咗系普通，结果冇惊喜亦冇失望，好在每件都系迷你size，唔会点嘥胃至于其他食物，有几样可以推荐嘅，包括好淋嘅花雕醉鲍鱼同埋一品牛柳粒，仲有十分juicy嘅汁烧翠肉瓜，另外乳鸽、羊架同香脆牛奶卷都唔错！觉得好伏嘅就有两样，包括又干又柴嘅烧鸡软骨同埋又肥又油嘅牛肉寿气烧，完全唔掂甜品同饮料，款式选择一般，有啲台式罐装饮料系第一次见，味道几好最后讲埋service，大部份食物都上得好快，尤其系刺身寿司手卷，员工表现殷勤，送菜同执枱嘅都态度友善