本店 (已結業)

呢间新开既日本餐厅，试业期间有85折，见到咁抵，即卡要食完再食啦！今次系第二次黎，相隔一个月，水准都一样咁正呀！系日本师傅开既餐厅黎，质素有保证呀！精选刺身定食 $158成个set盘一上到黎，就比啲刺身吸引到！！有带子、鲷鱼、虾。 个带子刺身系原粒大只带子切开3旧咁！原只上嫁！好大手笔！同埋好新鲜！食落仲系一疏疏，唔系烂晒一patpat咁嫁！ 鲷鱼都好厚切！食落好有咬口！ 虾就好新鲜，唔洗点豉油都食到甜味！同埋虾头都好甜呀！唔好晒左个虾头！仲有沙律、前菜、味噌汤！好抵啊！服务都超好！食左一个钟，起码加左5-6次茶！仲系服务员自己留意帮你加，超贴心呀