百芳池上便當 (香港仔中心商場第二期)

营业中

休息中

第一次来呢度食饭，睇到餐牌已经好吸引，我又好耐无食台湾嘢，食佢希望止到喝啦，因为短时间都唔会去台湾。装修都好简洁明亮，坐得都舒服嘅。睇餐牌样样都想食咁，4个人点4个唔同嘅餐，部分仲系套餐，包咗1杯指定饮品（有3款可以拣），唔使加一都几抵食。香肠卤肉饭便当／冻苿香绿茶台式香肠甜甜哋，质感脆脆哋，朋友点嘅share咗1片俾我，好好味，有台式粉丝同埋饭，饭嘅质地好软熟，好似珍珠米，朋友食过话好好食。红烧牛丸牛筋面／热苿香绿茶（不包饮品要加$9）都几大碗，上面有啲红油，以为好辣，朋友开头食话唔辣嘅，不过食落咗就发现都系有辣味嘅，不过系野味嘅辣。朋友请咗粒牛丸我食，牛味唔算浓，不过就有啲咬口，比较弹牙。香酥猪扒肉燥干拌面干拌面有卤肉拌住来食，啲面就好够热，一捞就飃烟嘅，以为佢比较干，事实系好够水粉，加埋啲卤肉半肥瘦嘅口感，好滋味。台湾盐酥鸡肉燥干拌面呢个系我点嘅，基本面质卤肉都同上面一样，不过我就系盐酥鸡同佢猪扒唔同，好香口，太耐无食过啦，好正。不过我最终都系食唔晒啲面同埋盐酥鸡，多咗几件鸡朋友帮手食埋佢。