翡翠拉麵小籠包

营业中

休息中

前2天去行 airside, 晚餐时间拣左呢间食，可能当日晚餐去到都系6点几时间尚早， 所以唔驶等位。餐厅内环境好光猛，入面2人枱唔多，去到无哂卡位，安排左我地坐2人枱，不过张枱真系好细，摆左茶壶茶杯得返好少空间摆菜。每次食上海菜都会必点小笼包，小笼包上枱卖相不错，汤汁多，肉算新鲜，不过不失。担担面- 个面底入口都几弹牙，入口花生酱好浓味，辣椒油味都好重，不过个人感觉两个味加埋唔系太夹。高力豆沙 -又是我至爱的上海甜品，表面沾满糖霜，软熟的质感食落似棉花糖，配合豆沙馅，味道不错。糖醋排骨-菜式有2个大小可选，今次叫左标准 size, 份量够，肉质较林身，味道偏甜，如果多番酸味会更好。计埋茶钱和小食，加一服务费，埋单$320几。