Pancake Colours Cafe & Bar (已結業)

晚饭时间，但唔系咁肚饿，所以净系食左个甜品。 因为等埋男朋友，所以9点先食饭， 唔洗等，而且餐厅冇乜人， 任我坐。 餐枱椅以深色为主， D櫈好特别， 如果一班女仔黎食饭，依度影相应该几靓。睇住个甜品餐牌， 好在佢有图，唔系我都唔知法式班戟、同美式班戟有咩分别。 三心两意，又想食黑朱古力班戟，又想食香蕉班戟， 又想食d生果 咁就请左个侍应过黎问问佢啦， 但系个侍应好似第一日返工咁，对menu 唔太熟识。我首先问佢黑朱古力班戟有冇生果，佢话唔清楚，要帮我check 下。侍应返黎答我冇，咁我就决定食香蕉班戟喇。仲未完......我再问侍应，雪糕球有冇得拣味道， 佢又唔知，最终揾左经理黎答我。其实我问d问题都系好基本嘅啫，点解搞到好似我好麻烦咁架 更何况呢d问题应该好多人都会问。讲返个甜品， 卖相几好香蕉分量适中， 面头嘅焦糖唔太甜，班戟2 块中间有cream, 但我 觉得太多， 下次我会直接走cream, 净系用原本雪糕个甜味。 唔知系咪要夹cream 嘅关系，班戟系唔热嘅，可以话系冻添， 所以个雪糕系冇乜融到， 如果班戟热，雪糕可以融到小小，咁就会更好味！