韓奶奶拌飯

营业中

休息中

因为系网上见到广告所以特登黎试下，我地下午一点八黎到店门口，见到最想试既明太子拌饭已经卖完，不过一场黎到都想试下其他，以为过左食饭时间冇咁多人，点知都系要排队，排左半个钟左右先入座。原条烧鲭鱼拌饭，一上餐就闻到好香，不过店员放低餐盘嘅时候冇介绍酱汁点样用，净系见到有牛油同一小碟酸酸地既调味料，后来发现另一个店员有同其他客人讲解。鲭鱼味道正常，不过如果有得再拣，我唔会拣鲭鱼，因为太多骨影响拌饭口感，饭方面本身以为会好少，但食吓食吓又好饱，食到一半开始食饭焦，非常香口，如果再脆啲冇咁黐牙就好喇。韩式秘制酱牛肉拌饭成个饭好香，酱汁好浓郁同啲牛肉好夹，加埋啲泡菜食都有另一个口味，牛肉味道几香，不过唔可以放太耐，因为会变靭，食咗一半先再食饭叫会更加好食。整体感觉良好，可以一试。泡菜有三款，份量都算多，个人觉得系比平时食到既辣。装修简约舒适，坐得舒服，因为新店所以要排队，大约排咗半个钟左右就入到，价钱唔算好贵，推介！