The Stadium (已結業)

身边亲友好多都系好食之徒，其中小师妹就最留意新餐厅登场。周二晚同佢食寿司时谈起食经，佢就话行去寿司屋时路经咗间啱啱装修好o既酒吧餐厅「The Stadium」，饭后两只为食猫就一齐走咗过去探路，仲急不及待约埋翌日即刻去试添。以体育场馆起名o既餐店连装潢设计都配合埋个主题，正门先由黑色铁闸把关。闸后有两张足球枱及桌球枱。沿著地上o既跑道走。。。首先经过水吧。入到场馆中央「终于走到分岔路的路口」。。。通往开扬宽广o既用餐区。两口子被安排入座最光猛o既窗口位。桌上除咗有齐备o既餐具，仲有枝温水及波形o既杯杯。餐牌搞鬼地用上篮球教练专用o既夹夹板黎夹实。细问下得知店子因只属试业阶段，暂时只提供无酒精饮品。午市以做套餐为主。晚市则有一页散叫项目。小肥因饭后仲有下场，所以就同小师妹分咗三款喺餐牌上都有顶厨师帽o既凯撒沙律、炸物拼盘、同黑毛猪。特色凯撒沙律（$98）：凯撒沙律卖相鲜美夺目。食落啲菜索索声，确真新鲜爽脆，伴上少辣o既croutons即令沙律变得惹味醒神，！特色炸物拼盘（$158）：六色炸物拼盘内含三条芝士棒、三只水牛鸡翼、三个炸洋葱圈、三件炸鱿鱼圈、三件炸鸡块、及六球粟米金块，丰盛震撼