渝味曉宇重慶老火鍋 (聚賢逸居) (已結業)

火辣辣锅好出名，但我同叮叮都食唔到辣，谂住试左午市套餐先，点知见到几枱食紧火锅，咁我地又试下！我地简左鸳鸯锅，起码食唔到辣可以转軚。蕃茄鱼头汤，大大个鱼头，味鲜肉甜。我地样样叫半份，试又试多啲。不得不提就系依两样。手工粗面线(5/5)爽口弹牙，少有火锅之选。仲有个器皿比你渌，唔怕整唔见又捞餐死。仲有我好钟意模仿街边渌面，又有得玩。牛肉无得输！配以生蒜，啖啖鲜味流于齿颊。其他都好新鲜，不过羊肉唔够”苏”。汤底我一饮再饮，好味到呢。真系要试下！依个冰糖雪耳红枣糖水，真系值得一赞。而且令到成个麻辣锅生色不少！食完辣再叹个清心润肺糖水，美好一天又开始了！今餐非常满意，而且有送coupon，我地一定会再encore！更值得纪念系我同叮叮从来未食过依种火锅，人生第一次就献左比依间店舖，并且留下好印象兼珍贵回忆。