意樂餐廳 (新九龍廣場)

营业中

休息中

今晚一个人无约，到新九龙广场意乐吃个晚餐，见个价钱都好抵，$88包百里香烤鸡、浓香菌皇忌廉汤、烤野菜和薯条。食物好快上枱，个菌皇忌廉汤无乜忌廉，唔够滑，重几重味精，饮咗开始觉得口渴。跟住个主菜出场，原来得半只春鸡，唔系一只，都算喇！切落个鸡皮都好脆卜卜，点知一切开个脾仲系生既，得七成熟，同个侍应讲话只鸡好生，点知听到佢对厨房讲话只鸡唔熟，炸返熟佢！原来系炸春鸡，唔系烤春鸡。只鸡再返黎既时候炸到干晒，又鞋，味道都系麻麻地，鸡同薯条同样有味精，沙律菜又唔太新鲜，唯一优点系个翠玉瓜好好食，软硬刚刚好。由于我无叫饮品，都要饮咗三杯水都仲想饮(味精重太口渴)。