影片
更多
2021-04-01
415 浏览
之前试过一次喺朋友屋企叫Deliveroo 食过厨十三嘅酸菜鱼，觉得啲鱼几滑几好食，但碍于外卖嘅关系，所以味道硬系争紧啲🤥 今次口痕又想食酸菜鱼，好彩尖沙咀有厨十三，就比多次机会再食！因为今次系两个人食，就点咗一份细酸菜鱼加豆卜，每人再要一碗白饭。大大个碗presentation几好，香气十足！我明白煮酸菜鱼上菜前一定会淋啲热油，令香味同味道进一步提升，不过就咁睇好似加得太多油，搞到我饮汤时好似打边炉咁要隔走啲油先饮😂讲返个汤先，酸菜、辣椒、花椒嘅味加埋一齐唔会太辣十分惹味，会越饮越开胃。豆卜基本上摆落去味浓嘅汤一齐煮，入晒味都好正！鱼方面厨十三系用鲈鱼，鱼质有弹性唔易松散而且口感滑溜，滗啲汤、鱼同酸菜落碗饭度真系一流，会不自觉咁越食越快，越食越多。可能呢啲就系重庆菜吸引之处！小总结：睇Menu见到细份酸菜鱼嘅价钱要成三百几蚊，都觉得有啲贵，但想食就真系无办法。如果再食就一定会拣午市，$168就有双人套餐，抵食好多
酸菜鱼
12 浏览
0 赞好
0 留言
讲返个汤先，酸菜、辣椒、花椒嘅味加埋一齐唔会太辣十分惹味，会越饮越开胃。豆卜基本上摆落去味浓嘅汤一齐煮，入晒味都好正！鱼方面厨十三系用鲈鱼，鱼质有弹性唔易松散而且口感滑溜，滗啲汤、鱼同酸菜落碗饭度真系一流，会不自觉咁越食越快，越食越多。可能呢啲就系重庆菜吸引之处！
小总结：睇Menu见到细份酸菜鱼嘅价钱要成三百几蚊，都觉得有啲贵，但想食就真系无办法。如果再食就一定会拣午市，$168就有双人套餐，抵食好多
张贴
