豪園小食 - 炸一字雞翼專門店 (已結業)

听闻佢由美食车转战将军澳Food Lane，当然第一时间约人去食下啦！佢地舖面有4个 bar 枱位，可以比大家坐低慢慢食。好彩地我地一去到就有人起身，可以坐下舒服食喇！因为想试多几款口味，我地叫左三色鸡翼 + 黄金脆脆，本来想叫埋冬荫公，可惜当日所有慢煮系列都已经售罄。三色鸡翼：分别系原味、蒜酱豉油及车打芝士味，每款有一只，我地4个人啱啱好~ 首先食左原味先，新鲜炸起，个皮好脆，炸粉唔算厚。一咬入去已经有好多肉汁，可惜味道一般，无咩惊喜。第二款食蒜酱豉油，个汁唔算太浓，加上单单系淋上面，所以唔入味，失望。第三食埋车打芝士，芝士酱落得好重手，味道好浓郁，作为一个芝士控，佢的确系完胜。黄金脆脆炸一字鸡翼：最后一款，食唔到咸蛋黄味，上面亦见唔到有好多咸蛋蓉，算系最失望之作。