方太糕品舖 (已搬遷) 新店位置

经过上海街见到一条长龙，香港人精神死都唔蚀底，于是就去昅下乜嘢事，原来系卖中式糕点嘅地方 「方太糕点」糕饼柜内大约都有十几款糕点，选择好多，仲有砵仔糕、豆腐花等。等呀等……等咗大约15分钟，卒之到我啦！糕点卖$20 /3件价钱合理，于是买六件返屋企试吓。红豆糕、芝麻糕、绿茶糕、马豆糕红豆糕超多红豆，红豆软稔，颇有口感，味道吾错。芝麻糕口感过份烟韧，胶质感好重，粉太多，芝麻味都唔够香，麻麻。绿茶糕同样是重胶质，闻落去只有椰汁味，一啲绿茶味都冇，只吃左一小啖，难食。马豆糕有椰汁味不过较淡，冇之前𠮶两件糕咁胶，都唔系好食𠮶只。四款糕点唯一可取就系唔太甜。深水埗𠮶间糕点正好多。