麥當勞

营业中

休息中

天气咁冻，最好当然系饮杯热饮，一碗热汤啦！呢个老麦嘅薯饼牛堡套餐，加个小龙虾汤，唔知啱唔啱你？套餐包括「黄金脆薯牛堡」，增大装扭扭薯条，热柠檬茶。个名就写得好鬼靓，黄金脆薯牛堡，但只不过系一块炸薯饼，而且一啲都唔脆，加块长身汉堡牛肉，淋啲黑椒汁落去，两者味道根本就唔夹，食唔到薯饼应有嘅特色味道，所有味都畀黑椒汁抢晒，我只系食到黑椒汁嘅辣味，其他乜嘢味都无。扭扭薯条个味我喜欢，系以前𠮶只烧烤味，如果早前出嘅薯格都系呢只味嘅话，你话几好呢！可惜佢唔系。柠檬茶，我觉得系老麦热饮中唯一最好饮嘅饮品，没有之二。柠檬唔苦，又有茶味。小龙虾汤就绝对令我失望，咁嘅天气，推出汤类饮品，自然期望系热汤啦！但嚟到嘅时候，居然只系少少暖，同热有好大段距离，我估应该系少人叫，所以无再加热，虾肉有三只，叫做聊胜于无。埋单计，呢个餐扣减手机程式优惠后，实付$59.5，你认为值唔值？我就觉得抱住好奇心试一试，还可接受，但试过一次，知道味道就已经足够。