影片
更多
2019-08-16
102 浏览
上个月第一次嚟到位于白沙湾码头嘅食之剧场餐厅 WA-Theater Restaurant食佢嘅晚餐，实在回味无穷。对呢间餐厅念念不忘，就衬最近暑假得闲，嚟试埋佢哋嘅午餐。呢日天气唔错，望出去嘅境系咁架！🌤🌊因为要预备最当造嘅食材，晚餐一定要预先订位，而早午下午茶餐都系唔需要订位嘅，但当然如果想确保食到你想食嘅餐，订咗位先会比较好嘅！一入到去，依旧系好舒服嘅环境、热情嘅服务。上次坐咗房仔入面，今次就坐吧台。同厨房近啲，同厨师亦有更多嘅交流🤓一开始，侍应会倒水落块干毛巾到，变成湿毛巾，等你抺下手仔，准备开餐😛又要介绍多次嘅就系嚟自清心县嘅白神山水喇💧！呢到使用白神山水处理食材、煮食、比食客饮用。呢只天然矿泉水不含额外嘅矿物质，所以亦都可以作为饮用水。而作为煮食材料，白神山水比起一般嘅水更加可以带出食物嘅鲜味！唔知系咪心理作用啦，觉得特别好饮，饮完一杯又一杯🤣跟住就用餐噜！我哋每人叫咗个午餐，分别系Lunch Set B - 银鳕鱼西京味噌烧（$320）同Lunch Set C - 鳗丼（$380）。只系主食唔同，各自都有前菜、沙律、渍物同甜品。Lunch Set #1 - 前菜日本南瓜配鲣
上个月第一次嚟到位于白沙湾码头嘅食之剧场餐厅 WA-Theater Restaurant食佢嘅晚餐，实在回味无穷。对呢间餐厅念念不忘，就衬最近暑假得闲，嚟试埋佢哋嘅午餐。
呢日天气唔错，望出去嘅境系咁架！🌤🌊因为要预备最当造嘅食材，晚餐一定要预先订位，而早午下午茶餐都系唔需要订位嘅，但当然如果想确保食到你想食嘅餐，订咗位先会比较好嘅！
一入到去，依旧系好舒服嘅环境、热情嘅服务。上次坐咗房仔入面，今次就坐吧台。同厨房近啲，同厨师亦有更多嘅交流🤓
一开始，侍应会倒水落块干毛巾到，变成湿毛巾，等你抺下手仔，准备开餐😛又要介绍多次嘅就系嚟自清心县嘅白神山水喇💧！呢到使用白神山水处理食材、煮食、比食客饮用。呢只天然矿泉水不含额外嘅矿物质，所以亦都可以作为饮用水。而作为煮食材料，白神山水比起一般嘅水更加可以带出食物嘅鲜味！唔知系咪心理作用啦，觉得特别好饮，饮完一杯又一杯🤣
跟住就用餐噜！
我哋每人叫咗个午餐，分别系Lunch Set B - 银鳕鱼西京味噌烧（$320）同Lunch Set C - 鳗丼（$380）。只系主食唔同，各自都有前菜、沙律、渍物同甜品。
Lunch Set #1 - 前菜日本南瓜配鲣鱼汁，口感好似栗子咁，好入味，仲配上木鱼丝😋
Lunch Set #2 - 鲜蔬菜沙律蔬菜非常新鲜爽口，配上蒜香蕃茄汁，酸酸地又带点蒜香嘅刺激，相当开胃👍
银鳕鱼西京味噌烧
$320
50 浏览
0 赞好
0 留言
制作呢味菜前后需时四日，包括出水、用盐、面豉腌制，听到个过程都觉得用心！
用嚟腌制嘅面豉入面有五谷，所以带有天然甜味。
鱼肉实净，油份刚好，送饭一流😛
鳗丼
$380
22 浏览
0 赞好
0 留言
鳗鱼嚟自东京湾～
采用先蒸后烧嘅方法烹调，肉质软熟同好腍，入口即溶。
用鳗鱼骨调较酱汁，鳗鱼蒸烧后，反转浸，索晒啲汁，就唔驶特别再搽或者落酱汁喇！
另配有山椒粉，可以点鳗鱼食。
自家制甜品
10 浏览
0 赞好
0 留言
呢日嘅自家制甜品系自家制嘅雪糕。
同平时嘅雪糕唔同，呢到嘅雪糕以炼奶取代牛奶同糖。听落觉得好heavy，但其实唔会特别甜，口感就比较实同幼滑，忌廉味重啲，层次丰富。
味道好特别，好似我哋呢两只分别系Tiramisu味同Wasabi云呢拿味，特别又好食！
餐厅面面俱圆，由选料、烹调、服务，以致摆碟上菜都做到一丝不苟，相当impressive。
真系好想大家都认识到呢间隐世嘅日本高级菜🥺
-
Lunch Set B - 银鳕鱼西京味噌烧（$320）
前菜
鲜蔬菜沙律
银鳕鱼西京味噌烧
白饭、味噌汁、渍物
自家制甜品
Lunch Set C - 鳗丼（$380）
前菜
鲜蔬菜沙律
鳗鱼饭
味噌汁、渍物
自家制甜品
张贴
