大瀛喜日本料理 (已結業)

想试呢间得奖日式放题好耐，终于有机会同 fds 一齐嚟试。全场坐满，枱同座椅都好贴，有d迫，好暗唔够光。手卷好迷你，料多，抵食！刺身都涷嘅，唔会水，不过有时会漏咗d无上。我地刺身都 encore 咗两次。带子寿司正，我地 encore 咗~ 其他寿司都正常嘢~ 炸物之中嘅芝麻鸡翼最好，其他偏油腻，可能赶住出嚟俾客人。串烧，烧烤等等都可以食嘅，其中烧虾最正。烧菠萝就令人最失望，好水，好似烧唔够时间咁，而且个色有d怪。 无得食烧菠萝好失望……小食𠮶d都系正常嘢，可以食嘅。鳗鱼好味~ 个带子好细粒，酱汁好多。㶽物系较好嘅，全部清都晒！食到无咩心机喇，甜品只点咗焦糖炖蛋同朱古力心太软。不过焦糖炖蛋有惊喜㖞！雪糕柜都有好多选择架！有多种雪条，有雪糕，有雪米糍，仲有豆腐花。饮品选择都好多。仲有多一个雪柜架。热饮都有！够时间都无要我地走，我地坐多咗一阵，出到去门口无人等喇。不过坐得唔舒服，食物质素又无保证，都系唔会再嚟喇。