影片
更多
2018-07-23
2069 浏览
知到6月呢到有抹茶主题嘅下午茶，就即订咗今日同友人嚟试下~ 上年11月同友人一齐试咗尖沙咀 Park Café 嘅~ 订咗位，都要准时3半才可入，不过可以攞飞先，到时就可以唔洗排队俾飞职员可直入。场内以和风为主，简单清洁又舒适，加埋出面少少阳光咁都几 relaxing 架~ 不过d音乐都系轻快嘅~ 职员基本上一见到吉碟就即收~ 抹茶窝夫可加红豆和蜜糖，唔多抹茶味，亦无广告入面嘅抹茶粉可以加，冻咗比较韧。抹茶红豆铜锣烧较淡，都系无广告入面嘅抹茶粉可以加，红豆都唔多。有一大盘好似抹茶布丁，一个字「甜」，无抹茶味... 图中比较有抹茶味嘅就系抹茶擂沙汤丸，同抹茶糯米糍，不过就无广告咁讲可沾上椰丝、花生米和糖。抹茶忌廉卷蛋糕内有抹茶忌廉、红豆蓉，蛋糕太薄试唔到质感，面头嘅抹茶粉有抹茶味。其他都系一个「甜」字。相中间嘅抹茶意式蛋糕系全部甜品之中最好味嘅，外层嘅浓朱古力脆皮加入面嘅抹茶cream超夹。 抹茶焦糖炖蛋唔系广告咁杯装，系一大盘，不过上面嘅焦糖就真系好味嘅，加埋生果就正~ 抹茶拿破仑扁扁的，不过就真系3层酥皮配好淡抹茶忌廉。其他两个都系得个「甜」字......本嚟我对豆腐花无兴趣，已经无
订咗位，都要准时3半才可入，不过可以攞飞先，到时就可以唔洗排队俾飞职员可直入。
场内以和风为主，简单清洁又舒适，加埋出面少少阳光咁都几 relaxing 架~ 不过d音乐都系轻快嘅~ 职员基本上一见到吉碟就即收~
抹茶窝夫可加红豆和蜜糖，唔多抹茶味，亦无广告入面嘅抹茶粉可以加，冻咗比较韧。抹茶红豆铜锣烧较淡，都系无广告入面嘅抹茶粉可以加，红豆都唔多。有一大盘好似抹茶布丁，一个字「甜」，无抹茶味...
图中比较有抹茶味嘅就系抹茶擂沙汤丸，同抹茶糯米糍，不过就无广告咁讲可沾上椰丝、花生米和糖。抹茶忌廉卷蛋糕内有抹茶忌廉、红豆蓉，蛋糕太薄试唔到质感，面头嘅抹茶粉有抹茶味。其他都系一个「甜」字。
相中间嘅抹茶意式蛋糕系全部甜品之中最好味嘅，外层嘅浓朱古力脆皮加入面嘅抹茶cream超夹。 抹茶焦糖炖蛋唔系广告咁杯装，系一大盘，不过上面嘅焦糖就真系好味嘅，加埋生果就正~ 抹茶拿破仑扁扁的，不过就真系3层酥皮配好淡抹茶忌廉。其他两个都系得个「甜」字......
本嚟我对豆腐花无兴趣，已经无心机食喇... 友人攞咗碗俾我试，点知有惊喜㖞！阵阵豆香~ 应该系黑豆嘅豆腐花~ 好味㖞~ 抹茶木糠蛋糕有饼碎、抹茶忌廉，不过无抹茶味，太腻。其他都系得个「甜」字。
每人包1杯免费饮品，我点冻柠茶，友人点冻柠蜜。冻柠茶连一壶糖水上，冻柠蜜就连一盒仔蜜糖。正常嘢。
全场只有冷面系咸嘅，到最后甜品已经无咩人攞，冷面𠮶到由开场到尾都仲要排队！刚开始𠮶时大家都攞碗盛面，后嚟大家都大碟大碟咁攞d面同𩠌喇！ 食一阵甜品，食一阵冷面咁啰~ 冷面有3种，抹茶面，荞麦面，同梅子面，不过全部都食唔到有咩味，系质感有分别。荞麦面有d水水地，所以少d人食。可加豉油，同麻酱。𩠌方面有紫菜丝，黑白芝麻，葱，鸡蛋丝，蟹柳丝，渍物。鸡蛋丝同蟹柳丝喺全场入面嘅肉喇，后嚟无咗之后就有火腿丝同中华沙律，不过我已经无兴趣试喇...
职员会主动讲有咩优惠嘅，好细心~ 我地用HSBC有85折，之后再加番1，感觉好少少啦……
总结嚟讲，唔会再嚟食抹茶 tea buffet。虽然比尖沙咀嘅 Park Café 平，但系实在又远又唔好味又少选择！如果只系想揾个地方坐下同朋友静静地吹下水，又唔介意食物质素，咁个环境同服务系好嘅。
张贴
