阿土伯鹽水雞 (已結業)

听朋友讲近排香港开左唔少台式盐水鸡既餐厅，咁岩鲗鱼涌见到有一间(好似系？)新开既，就尽管去试下啦。同其他地方见到既盐水鸡铺头一样，一个玻璃冻柜放哂配料出黎，既可以俾大家睇下有兴趣既配料大概系点既样又可以引起大家既食欲。通常望多两眼，又会想加多几样配料。落单系自己拎纸笔圈既，有几个set可以拣。我拣左一人餐，鸡脾加鸡胸跟三个配料。佢另一个选择系三只鸡翼，感觉个份量好似会差好多咁样？🤔配料拣左听落好似台式d既配料甜不辣，饱肚d既薯仔同清爽岩凉拌既青瓜。虽然已经拣左薯仔，但都系加十蚊加埋面，免得晏d肚饿又要揾野食。第一次食都系拣番原味，要个微辣就岩啦。都系将材料切细再捞，所以等左一阵就有啦。一开盒，睇落份量其实都唔少，而且鸡肉既量比想像中更多。味道唔错，汁唔算多，调味粉就唔少。微辣我觉得都唔系微，真系唔系好食得辣既人，我谂都系拣唔辣好d。鸡肉既口感都唔错，唔会好un都唔会好鞋。薯仔份量多，面就唔算多，虽然加个大份既面都要成十蚊。我冇喺台湾食过，所以冇得比较，都唔知正宗既味道系点。但整体味道唔错，个酱汁几惹味，冻冻既凉拌，天时暑热食就岩。