影片
更多
2020-04-10
620 浏览
认识这个地方源于去年的一餐生日饭，那次的经验非常精彩，还深刻记得一点一滴，之后，有问过我私房菜嘅推介朋友都记得我曾介绍呢间野。不过上次太懒，冇的起心肝去写返一篇文。一年后再访，感觉完全不同，同上次嘅经验好大分别，而且主题更特别，适逢在家抗疫时间多左，于是更有心机食番篇文，介绍下呢个地方。系诗房菜负责人 社交平台friend一段时间，看到刚刚她去左摩洛哥旅行，这一直是我wishlist 内的国家，可能是因为Casablanca 的关系？我估这电影影响我没这样的深，睇过好多爱摄影嘅人系摩洛哥影过嘅相之后，你都会爱上呢一个咁靓嘅地方，自然就成为wishlist 。大概爱旅行, 爱摄影的都会自然对呢个私房菜提起兴趣。一直以来Sasa系一个爱摄影嘅人，当然佢另一个强项系烹饪，当你看到佢摩洛哥嘅相之后，大概你想不到，佢会话你知，去完摩洛哥嘅佢嘅私房菜有摩洛哥菜提供。我想香港嘅摩洛哥菜餐厅一只手都数得晒，异国风情，从来都唔容易为人接受。一系你去过𠮶个地方，一系你对个地方好有兴趣，又或个地方嘅菜式出名好食，你先会想试。我系后者，而且我同佢一样，虽然我煮得唔叻，但我好钟意食。我总觉得要了解一个地方嘅文化
不过上次太懒，冇的起心肝去写返一篇文。
一年后再访，感觉完全不同，同上次嘅经验好大分别，而且主题更特别，适逢在家抗疫时间多左，于是更有心机食番篇文，介绍下呢个地方。
系诗房菜负责人 社交平台friend一段时间，看到刚刚她去左摩洛哥旅行，这一直是我wishlist 内的国家，可能是因为Casablanca 的关系？我估这电影影响我没这样的深，睇过好多爱摄影嘅人系摩洛哥影过嘅相之后，你都会爱上呢一个咁靓嘅地方，自然就成为wishlist 。
大概爱旅行, 爱摄影的都会自然对呢个私房菜提起兴趣。
一直以来Sasa系一个爱摄影嘅人，当然佢另一个强项系烹饪，当你看到佢摩洛哥嘅相之后，大概你想不到，佢会话你知，去完摩洛哥嘅佢嘅私房菜有摩洛哥菜提供。
我想香港嘅摩洛哥菜餐厅一只手都数得晒，异国风情，从来都唔容易为人接受。
一系你去过𠮶个地方，一系你对个地方好有兴趣，又或个地方嘅菜式出名好食，你先会想试。
我系后者，而且我同佢一样，虽然我煮得唔叻，但我好钟意食。
我总觉得要了解一个地方嘅文化，从食物著手系一个最好嘅方法。
就好似今日呢一餐私房菜试咗好多唔同嘅嘢，都令你感受到果种特色，你话就好似去咗一晚摩洛哥咁，你话有冇咁夸张，我话你知，感觉不错就是。
如果你要我讲，好深刻嘅一定开场嘅前菜，十多款式可以任你选择，好难每样话俾你听系乜嘢，但大部分都系好健康嘅蔬菜如茄子、薯仔、红椒、黄椒、蛋、蕃茄、甘笋，还有很少在香港见的茴香，基本上每一道都咁好，冇乜特别私心，要说最爱，一定系少见的茴香吧。
基调系运用不同香料，令每一道前菜都充满异国的风情橄榄油、红椒粉，我大爱的荽茜、洋葱、柠檬，香叶等等，准备时间长而且有心机，其中有好多要前一晚准备，而系呢啲摩洛哥手法调味之后你会感受到每种食物不同的个性。
你以为调味好简单，但我告诉你，你自己用返晒材料都未必做到呢个手法。
之后就进入主菜部份，主菜系柠檬鸡。
上菜嘅碟都系喺摩洛哥带返嚟，打开盖，气势一流，无论香味或者样都好正。
用上自家腌制的柠檬，唔会太酸口味重但系亦都唔会劲油腻，还有大量我爱嘅黄椒红椒。
鸡要配上couscous食埋个汁先正，以当地的煮食器皿，听Sasa讲佢特登喺摩洛哥带返嚟，为嘅系要有煮到couscous质感，更加令人吃过不停。
个人较喜欢鸡髀位置，而且鸡肉好嫩，佢亦都话唔会用大陆的鸡，质感可能和你平时吃开的有分别。
第二个主食系自家肉丸，用上两成羊肉和八成牛肉来制成，就算怕羊味都唔会觉得过膻。
加上了半熟蛋配个秘制酱汁和肉丸，又系盗饭之选，加上刚才的couscous，更是完美。
最重要成餐饭你会看到Sasa系当地搜集回来的器皿，然后你可以听佢讲返系摩洛哥一点一滴嘅有趣事，感觉像和朋友一齐食饭。
成晚我最深刻一定系薄荷茶，加上糖和薄荷叶，净系睇佢冲已经系赏心乐事，这个茶系别处你一定饮到，但就是拿捏不到那个正宗摩洛哥风味。
再加上甜品也是精采得很，完全冇用面粉把煮熟嘅橙加上鸡蛋、肉桂和糖来完成，不会太甜而又好吃，个中质感同一般嘅蛋糕都与别不同。
一口薄荷茶，一口香橙蛋糕，最完美的结局。
连薄荷茶都可以拣杯，几有气势。
如果你爱烹饪，而且又是完美主义的朋友，你来到，一定无错。最重要，爱吃来，更加对。
看她做嘅私房菜非常多元化，我上次来吃过的西餐当然好，佢系佢个page见到有好多唔同类型嘅菜式可以拣，又如今晚我喺度吃的摩洛哥菜，还有之前看过有只有镛记有的射雕宴，又有斋菜，中菜等等，你订嘅时候，同Sasa讲就得。
整晚都是$700一位人头，但份量多得很，前菜基本上食唔晒，攞走可以食两日。
又或者如果你想过一晚摩洛哥之夜，安慰下你冇得飞嘅心灵，PM我，帮你安排。
诗房菜
尖沙咀弥敦道66-70号金冠大厦9楼B1室
张贴
