影片
更多
2006-07-22
1 浏览
平日通常同朋友几个嚟，咁咪有得左叫右叫选择可以弹性啲。亦曾经试过同朋友两个人叫两个main course 饱到食唔晒的经验。咁今日两个人，第一次喺度叫set din ( 餐汤+ 主菜+ 餐茶+ 甜品) 另送面包沾醋！讲餐汤：意大利杂菜汤料好足，够味，冇咩特别。但另外一个忌廉汤内里竟然有杏仁，口感又香又滑，似乎唔系用罐头汤应酬我㖞！讲主菜：(一) T-骨牛扒反而今次个扒整得好过我上次食𠮶个主菜鹅肝配安格斯牛。)今次个扒六成半熟，外脆，但内里有点微红咁，仲好有牛味！个chef 简直开正我𠮶范呀！而且伴碟的薯仔连皮似焗过咁，外脆内软，加上个汁底有黑椒得嚟再有少少蕃茄的甜甜酸酸，好味兼开胃㖞！(二) 鸡扒、红腰豆配意大利饭鸡扒唔需要有期望，雪藏货预咗，系鞋口啰！不过反而个饭同平时食开的主菜”意式杂菌饭”系味道一样！因为我未食时谂住个饭话晒set din 会可能俾人谂埋d 缩数野偷工减料，但食咗后证明又冇㖞！餐茶略去唔洗讲，因我们饮的唔系咖啡，冇技巧可言。讲甜品：今日set din 甜品系芝麻雪糕。我对呢个雪糕充满疑问，劲想捉个chef 问：你买定整架？因自己有整开甜品习惯，又试过自己去揾机磨芝
亦曾经试过同朋友两个人叫两个main course 饱到食唔晒的经验。
咁今日两个人，第一次喺度叫set din ( 餐汤+ 主菜+ 餐茶+ 甜品) 另送面包沾醋！
讲餐汤：意大利杂菜汤料好足，够味，冇咩特别。但另外一个忌廉汤内里竟然有杏仁，口感又香又滑，似乎唔系用罐头汤应酬我㖞！
讲主菜：
(一) T-骨牛扒
反而今次个扒整得好过我上次食𠮶个主菜鹅肝配安格斯牛。)
今次个扒六成半熟，外脆，但内里有点微红咁，仲好有牛味！个chef 简直开正我𠮶范呀！而且伴碟的薯仔连皮似焗过咁，外脆内软，加上个汁底有黑椒得嚟再有少少蕃茄的甜甜酸酸，好味兼开胃㖞！
(二) 鸡扒、红腰豆配意大利饭
鸡扒唔需要有期望，雪藏货预咗，系鞋口啰！不过反而个饭同平时食开的主菜”意式杂菌饭”系味道一样！因为我未食时谂住个饭话晒set din 会可能俾人谂埋d 缩数野偷工减料，但食咗后证明又冇㖞！
餐茶略去唔洗讲，因我们饮的唔系咖啡，冇技巧可言。
讲甜品：
今日set din 甜品系芝麻雪糕。我对呢个雪糕充满疑问，劲想捉个chef 问：你买定整架？
因自己有整开甜品习惯，又试过自己去揾机磨芝麻，磨极都仲会有壳有种糙米的粗糙感。而今日我食落口的芝麻就有我呢种感觉！
而出面买的汤丸呀！芝麻糊呀！芝麻雪米糍呀！通通只会系起沙，或者只食到甜的芝麻味但又食唔到芝麻粒….
最奇怪系个雪糕比平时杰、冇咁易溶，食咗15分钟系得面层系有少许开始溶想变液体….
总结嚟讲，晚餐包咁多野都系69 蚊位，都算抵架！
虽然新界咁偏o既地区相比其他食肆可能会较贵，但我又觉得佢又整得有heart 有诚意唔系求其马虎应酬我啰！
员工态度ok, 主动协助。部长，我钟意以前四眼𠮶个多d 呀！
张贴